Нийслэл Улаанбаатар хот үүсэн байгуулагдсаны түүхт 380 жилийн ой өнөөдөр тохиож байна. Энэ өдрийг тохиолдуулан, Монголын рок попын амьд домог "Харанга" хамтлагийн гитарчин Я.Одсүрэн, бөмбөрчин Н.Пүрэвдаш нарыг Монгол Улсын урлагийн гавьяат зүтгэлтэн цолоор шагнахаар болжээ. Тэд шагналаа өнөөдөр Төрийн ордонд гардаж авна. Ингэснээр "Харанга" хамтлагийнхан бүгд гавьяат болж байгаа юм.
Тус хамтлагийн гишүүд 1977 онд Ардын Армид татагдан танилцаж, "Соёмбо" хамтлагт хамт тоглох болсон байна. Үүнээс хойш 10 гаран жил хамтдаа тоглож байгаад цэргээс халагдаж, 1989 онд Драмын театрын дэргэд "Харанга" хамтлагийг байгуулжээ. 2016 онд "Алдрын од" шагнал хүртсэн хоёр дахь хамтлаг болсон бөгөөд Соёлын Төв Өргөөний орчимд тус хамтлагийн хүндэтгэлийн самбар одоог хүртэл буй.
Сэтгэгдэл (0)
Сэтгэгдэл бичигдээгүй байна