"Дэлхийн Монгол" ТББ-ын тэргүүн Х.Бээжинг саатуулан шалгаж байгаа тухай мэдээлэл гарсан. Эх орон ард түмнийхээ төлөө гэгдэх нөгөө ТББ-ууд яагаад хууль шүүхийн байгууллагуудын үүдийг сахих болов гэдэг нь анхаарал татаж байна. Зарим ТББ-ууд бусдыг дарамлаж, дээрэлхэж хөрөнгө мөнгө нэхдэг тухай мэдээлэл ч гардаг. Ийм төрлийн хэргээр шалгагдаж буй тохиолдлууд ч бий. Өөрөөр хэлбэл эд мөнгөний, улс төрийн тэр ч бүү хэл өөрсдөө үзэн яддаг уул уурхайн салбарт ажилладаг аж ахуй нэгжтэй болж таарах нь тэр.
"Дэлхийн Монгол ногоон нэгдэл" төрийн бус байгууллагын тэргүүн Хастөмөрийн Бээжин нь "Монгол жодоо интернэшнл" нэртэй элс, хайрганы компанийг 2005 онд байгуулж өөрөө захирлаар нь ажилладаг аж. Хувьдаа "Chevrolet Tahoe", "Land cruiser 200" зэрэг үнэтэй автомашинтай юм. Түүний эзэмшлийн тус компани ямар үйл ажиллагаа явуулдаг болохыг интернэтээс хайхад элс, хайрга, дайрганы карьерын чиглэлээр үйл ажиллагаа явуулдаг болох нь тогтоогдож байна.
Түүний хувьд улс төрийн үйл ажиллагааг эсэргүүцэж байнга жагсаал цуглаан зохион байгуулан, оролцож явдаг боловч өөрөө МАХН-д намд элсэн, гишүүн болсон юм байна.
Сэтгэгдэл (0)
Сэтгэгдэл бичигдээгүй байна