АНУ-ын Ерөнхийлөгч Дональд Трамп, БНХАУ-ын Тэргүүлэгч Си Жинпинь нарыг дараа сард Чилид явагдан Ази Номхон далайн орнуудын эдийн засгийн чуулга уулзалтын үеэр худалдааны гэрээнд гарын үсэг зурна гэж бүгд хүлээж байгаа. Гэхдээ "South China Morning Post" сонинд энэхүү уулзалтыг бэлдэхэд оролцож байгаа эх сурвалжийн мэдээлснээр "Бүх зүйл санаснаар болсон тохиолдолд арваннэгдүгээр сарын 17-нд урьдчилсан тохиролцоонд гарын үсэг зурахаар товлосон байгаа" гэж мэдэгдсэн тухай "Reuters" мэдээлж байна. Харин Цагаан ордны албан тушаалтан хоёр удирдагч Чилийн чуулга уулзалтын үеэр гарын үсэг зурахаар төлөвлөсөн байгаа ч огноог нь эцсийн байдлаар тодорхойлоогүй байгаа гэжээ. Трамп нь өнгөрсөн даваа гарагт Хятадтай хийх худалдааны гэрээний ихээхэн хэсэгт төлөвлөснөөс нэлээд эрт гарын үсэг зурж магадгүй тухай мэдэгдсэн ч тодорхой огноо заагаагүй юм.
Сэтгэгдэл (0)
Сэтгэгдэл бичигдээгүй байна