2020/07/12
USD 2,811

АНУ нь Египетийг Оросоос сөнөөгч онгоц худалдан авах гэрээгээ цуцлахыг шаарджээ

Н.Мичидмаа
2019/11/19

АНУ нь Египетийн эрх баригчдыг Оросоос сөнөөгч онгоц худалдан авах гэрээгээ нэн даруй цуцлахгүй бол янз бүрийн хориг арга хэмжээ авна гэж сүрдүүлсэн тухай "The Wall Street Journal" мэдээлж байна.

ОХУ-ын Батлан хамгаалахын сайн Сергей Шойгу цэргийн хамтын ажиллагааны талаар чухал хэлэлцээр хийхээр Египетэд албан ёсны айлчлал хийхтэй давхцуулан АНУ-ын Төрийн төрийн нарийн бичгийн дарга Майк Помпео ба Батлан хамгаалахын сайд Марк Эспер нараас Египетийн Батлан хамгаалахын сайдад захидал бичиж, удахгүй авч магадгүй байгаа хориг арга хэмжээний тухай сануулсан аж.

АНУ нь сүүлийн арав гаруй жилийн хугацаанд Египетэд олон тэрбум долларын эдийн засгийн болон зэвсгийн тусламж үзүүлсэн. Тухайлбал, Египетэд F-16 сөнөөгч онгоц, дайралтын нисдэг тэрэг ба бусад олон төрлийн зэвсэглэл худалдаж байсан. Мөн 2018 онд 20 ширхэг F-35 тав дахь үеийн сөнөөгч онгоц худалдана гэж амлажээ. Гэтэл яваандаа АНУ нь Ойрх Дорнодын орнуудаас Израйлаас бусад оронд F-35 зарахгүй байх шийдвэр гаргасан. Улмаар Египет нь энэхүү шийдвэрээ өөрчилж F-35 зарахыг удаа дараалан гуйгаад ямагт татгалзсан хариу сонссоны эцэст Оросоос Су-35 сөнөөгч онгоц 20 ширхгийг 2 тэрбум доллароор худалдан авах гэрээ байгуулсан юм.

Харин одоо Оросоос сөнөөгч онгоц худалдан авбал цаашид батлан хамгаалах салбарт хамтран ажиллахтай холбоотой олон янзын бэрхшээл үүсэж магадгүй гэдгийг америкчууд ийнхүү сануулж, сүрдүүлж эхэлсэн байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна