2020/07/10
USD 2,811

Хойд Солонгос ээлжит удаагаа пуужин харваж, Япон эсэргүүцэл илэрхийлэв

Н.Мичидмаа
2019/11/29

Өнгөрсөн пүрэв гарагт Хойд Солонгос нь Япон тэнгисийн зүг хоёр ширхэг баллистик пуужин харвасан тухай Японы Батлан хамгаалах яам мэдээлжээ. Пуужингууд 380 км газар туулж Японы эдийн засгийн онцгой эрхтэй бүсийн гадна унасан гэж байна. Хойд Солонгосыг пуужин харвасантай холбоотойгоор Японы Аюулгүй зөвлөл яаралтай хуралдаж, Хойд Солонгост албан ёсоор эсэргүүцэл илэрхийлжээ. Японы Ерөнхий сайд АбэШинзо энэ талаар "Хойд Солонгос пуужин харвасан хэвээр байгаа бидний хувь төдийгүй дэлхий дахинд ноцтой асуудал болж хувираад байна" гэжээ.

Өмнөд Солонгосын Штабуудын нэгдсэн хорооны гаргасан мэдэгдэлд пуужинг Хойд Солонгосын Хамгөн-Намдо мужийн Ёнпхо гацаанаас Япон тэнгисийн зүг харвасан гэж заасан байна. Энэ бол 2019 Хойд Солонгос баллистик пуужин харвасан 13 дах удаагийн тохиолдол юм.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна