2020/07/06
USD 2,811

Аз жаргалтай хотын индекс судалгаанд нэг тэрбум төгрөг төсөвлөжээ

Н.Мичидмаа
2019/11/29

Өнөөдрийн НИТХ-аар хэлэлцэх асуудлуудын жагсаалтад "2020 оны төсөв хэлэлцэх" багтсан. Ирэх оны төсөвт багтсан хэд хэдэн мөнгөн дүн шүүмжлэл дагуулж байна. Тухайлбал, "Аз жаргалтай хотын индекс" тооцон сайжруулах үе шаттай арга хэмжээ"-нд нэг тэрбум төгрөг төсөвлөсөн байна. Тэгвэл , "Аз жаргалтай хотын индекс" /АЗХИ/ гэж юу вэ? НЗДТГ-аас баталсан тодорхойлолтыг хүргэе. "АЖХИ нь Монгол улсын Нийслэлийн оршин суугч иргэдийн эрүүл, аюулгүй, ээлтэй орчинд тав тухтай , амар тайван аж төрж, амьдрах нөхцлийг бүх талаар бүрдүүлэхэд Аз жаргалтай хотын индексийг хэрхэн хангаж буй байдлыг илэрхийлэх нийлмэл үзүүлэлт юм.Улаанбаатар хотын хөгжлийн шинэ үзэл баримтлал болгохыг зорьж буй "Аз жаргалтай хот"-ын индексийн шалгуур үзүүлэлт, түүний тодорхойлолт, тооцох аргыг дэлхийн хотуудын хөгжлийн туршлага, олон улсын байгууллагуудаас батлан гаргасан концепци, шалгуур үзүүлэлт болон өөрийн оронд хөгжлийн индексийг тодорхойлох талаар гаргасан баримт бичгийг харгалзан үзсэн болно" хэмээжээ. Өөрөөр хэлбэл, хотын иргэдээс судалгаа авах, хэсэг, хороодын ажилтнуудын дунд уралдаан тэмцээн, өдөрлөг зохион байгуулах зэрэг үйл ажиллагаа юм. Үүнд нэг тэрбум төгрөг төсөвлөсөн байна.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.40.49 |   2019/11/30
Аз жаргалтай хот гэж /Улаанбаатар/ хэцүү шүү дээ. Араатан амьтан явж байвал амиа аваад зугтаад нэг өөрийгөө хамгаалаад явчих байх. Харин одоо цагт хүнээсээ айж явдаг болсон шүү дээ. Аз жаргалтайгаар тайван амьдарч чадахгүй байна
Хариулах
103.229.123.130 |   2019/11/29
Baltuushni chini az jargaltai hot!? Erdene, MANAN-giynhan hun gishgeh zaiguy hahuuliar gazar olgoj, barilgiynhan hulhiny bairaa hed nugALJ BIDEND ZARJ ETSEST NI HUL TAVIH ZAIGUY SHORON HOT BAIGUULJ BGAAGAA MEDEJ BN UU!?
Хариулах