Airbus концерн аж үйлдвэрлэлийн тагнуул хийсэн 16 ажилтнаа халжээ

Европын нисэх онгоц үйлдвэрлэлийн "Airbus" концерн нь 16 ажилтнаа аж үйлдвэрлэлийн тагнуулын ажиллагаа хийсэн хэрэгт сэжиглэсэн 16 ажилтнаа халсан тухайгаа албан ёсоор мэдэгджээ. Гэхдээ ажилтнууд нь аль компани эсвэл улсын талд ажиллаж, ямар төрлийн мэдээллийг хулгайлан дамжуулж байсан талаар тодруулга өгөөгүй байна. "Defense-aerospace.com" сайтын мэдээлж байгаагаар энэхүү хэрэгтэй холбоотойгоор Германы хууль сахиулах албадтай нягт хамтран ажиллаж байгаа гэдгээ бас мэдэгдсэн байна.

"Airbus" компанийн зарим ажилтныг Германы зэвсэгт хүчинтэй холбоотой хоёр төсөл дээр гуравдагч этгээдийн талд тагнуулын ажиллагаа хийсэн хэргээр Германы прокурорууд шалгаж байгаа тухай тус компани дах эх сурвалжууд хэвлэл мэдээллийн хэрэгслүүдэд өнгөрсөн есдүгээр сард мэдээлж байсан. Тухайн үед Германы мэдээллийн хэрэгслүүд нь "Airbus" компани зарим ажилтан нэвтрэх эрхгүй мэдээлэл агуулсан бичиг баримтыг тээж явсныг илрүүлсэн гэж мэдэгдэж байсан.

Эдгээр ажилтнууд нь "Airbus" компанийн кибер аюулгүй байдлын чиглэлээр үйл ажиллагаа явуулдаг "Program Line Communications", "Intelligence and Security" гэдэг Мюнхен хот дахь хоёр салбар компаниудад нь ажилладаг байжээ.