Монгол залуу тагтнаас унах гэж байсан эмэгтэйн амийг аварчээ

Австрали улсын Квийсланд мужийн жижиг хотод аялж явсан Т.Чингэс хэмээх Монгол залуу хүний амь аварчээ. Тодруулбал түүний байрлаж байсан "Pacific" хэмээх буудалд өнгөрөгч арваннэгдүгээр сарын 23-ны өдөр энэхүү үйл явдал болжээ. Тэрбээр тагтан дээрээ зогсож байтал долоон давхрын тагтан дээрээс нэгэн эмэгтэй үсэрч амиа хорлохыг завджээ. Т.Чингэс таван давхарт байрлаж байсан учраас тагтаар дамжин дээш гарч бүсгүйн гарнаас барьж амжсан байна.Эмэгтэйн амийг аварсны дараахан түргэн тусламж болон цагдаагийнхан ирсэн бөгөөд амиа хорлохыг завдсан эмэгтэй 26 настай бөгөөд хар тамхины хамааралтай нэгэн байжээ.