Хонконгт сүүлийн хэдэн сар болж байгаагүй Засгийн газрын эсрэг жагсаал ням гарагт болсон байна. Энэхүү жагсаалыг "Хүний эрхийн төлөөх иргэний фронт" нэртэй сөрөг хүчнийг хөдөлгөөн Хонконгийн удирдлагатай урьдчилан тохиролцож зөвшөөрөл авсны дагуу зохион байгуулж байгаагаараа олныг хамарсан өмнөх арга хэмжээнээс ялгаатай юм. Хонконгийн удирдлага нь НҮБ-ын Ерөнхий ассамблейн тогтоолын дагуу арвхонхоёрдугаар сарын 10-нд тэмдэглэж байгаа Хүний эрхийн өдрийг тохиолдуулан эсэргүүцлийн жагсаал хийхийг зөвшөөрчээ. Гэхдээ жагсаал нь үймээн, эмх замбараагүй байдал үүсгэлгүйгээр, зөвхөн зөвшөөрөгдсөн газраар явагдах ёстой гэж сөрөг хүчнийхэнтэй тохиролцсон тухайгаа мэдэгдсэн.
Жагсаалыг зохион байгуулагчид нь эсэргүүцлийн арга хэмжээнд 800 мянган хүн оролцсон гэсэн бол Хонконгийн цагдаа нар ойролцоогоор 183 мянган хүн оролцсон гэж мэдэгдэж байна.
Цагдаа нар жагсаалыг радикал үзэлт залуучууд үймээн болгож хувиргахаас болгоомжлон хэд хэдэн урьдчилан сэргийлэх арга хэмжээ авсан байна. Тухайлбал, ням гарагт явуулсан нэгэн тусгай ажиллагааны үеэр байлдааны гар буу, их хэмжээний сум нууж бэлдээд байсан радикал үзэлт бүлэглэлийн 11 гишүүнийг баривчилжээ. Энэ бол хагас жил гаруй үргэлжилж байгаа эсэргүүцлийн жагсаал, эмх замбараагүй байдлын хугацаанд галт зэвсэг, сум хэрэгсэл их хэмжээгээр хураан авсан анхны тохиолдол болсон аж. Хонконгийн цагдаагийн газрын зохион байгуулалттай тэмцэх хэлтсийн дарга Ли Квайва энэ талаар "Эдгээр хүмүүс удахгүй эхлэх жагсаалын үеэр гар бууг эмх замбараагүй байдал үүсгэх зорилгоор ашиглах гэж байсан" гэж мэдэгджээ. Радикал үзэлтнүүд жагсагчид руу гал нээгээд цагдаа нарыг буруутгах эсвэл цагдаа нарын эсрэг буудаж хариу гээл нээлгэх зорилготой байсан бололтой гэсэн байна.
Галт зэвсэг, сум хэрэгсэл нуун бэлдэж байсан хэргээр 20-оос 63 хүртэлх насны найман эрэгтэй, гурван эмэгтэйг саатуулсан аж. Тэднийг аравдугаар сарын 20-нд цагдаагийн хэлтэс рүү шатах шингэнтэй шил шидэлж дайрсан хэргээр эрэн сурвалжилж байсан аж.
Сэтгэгдэл (0)
Сэтгэгдэл бичигдээгүй байна