Вьетнамын парламентын тэргүүлэгч Нгуен Тхи Ким Нган нь ОХУ-д айлчилж Оросын Төрийн думын спикер В.Володинтай уулзахдаа АНУ-тай хийж байгаа худалдааны талаар зарим тодруулга өгсөн байна. АНУ ба Вьетнамын худалдаа нь Вьетнамын талд ихээхэн ашигтай гараад байгаа тул Америк нь хориг арга хэмжээ авна гэж сүрдүүлсэн тухай ярьжээ. Тэрээр "Вьетнам ба АНУ хоорондын худалдааны эргэлт ойролцоогоор 65 тэрбум доллар байгаа. Ерөнхийлөгч Трамп тун ч сэтгэл дундуур байгаа тул Вьетнамыг АНУ-тай хийх худалдаанд хэт их ашиг олж байгаа орнуудын жагсаалтад оруулж, манай эсрэг янз бүрийн хориг арга хэмжээ авахаар сүрдүүлж байгаа" гэжээ.
АНУ ба БНХАУ-ын хооронд худалдааны дайн дэгдсэний дараа Вьетнам боломжийг ашиглан Америк руу хийх экспортоо эрс нэмэгдүүлж чадсан байдаг. Оросын парламентын дарга хариу болгож цаашдаа хоёр орны худалдаанд доллароос татгалзаж, үндэсний валютаар тооцоо хийж байхыг санал болгосон аж.
Сэтгэгдэл (0)
Сэтгэгдэл бичигдээгүй байна