Мах экспортлох квотыг Хүнс, хөдөө аж ахуй, хөнгөн үйлдвэрийн яамнаас стандартын шаардлага хангасан үйлдвэрүүдэд үнэ төлбөргүйгээр олгох ёстой. Гэтэл тухайн квот нь бизнес болсныг махны үйлдвэрийн эзэд хэлж байна. Тодруулбал, нэг килограмм мах экспортод гаргах квот 12 юаньд хүрсэн. Өөрөөр хэлбэл, нэг тонн мах экспортод гаргахын тулд 4-5 сая төгрөг төлж квот авдгийг махны үйлдвэрийн нэрээ нууцлахыг хүссэн эзэд хэлж байгаа юм. Тэгээд ч квот худалдан авах мөнгө нь байлаа ч танил талгүй л бол худалдан авах боломжгүй гэлээ.
Харин адууны махыг их хэмжээгээр, өндөр үнээр худалдан авч байсан хятадууд махны үнийг унагажээ. Хятадын хөргөгчүүд монгол адууны махаар дүүрч, хятадад адууны мах монгол мөнгөөр килограмм нь 14 мянга орчим төгрөгөөр худалдаалагдаж байгаа аж. Ийнхүү үнэ унасан учир монголын махны үйлдвэрүүд мах экспортлох квотыг өндөр үнээр худалдан авч, махаа гаргах нь ашиг олох биш алдагдал хүлээх эрсдэлтэй болжээ. Тиймээс махны олон үйлдвэр хаалгаа хааж, Эмээлт орчимд малаа зарахаар тууж ирсэн малчид бой, үйлдвэрүүдийн газрыг цайрачилж суугаа юм байна.
Мах экспортод гаргах квот нь салбар яамны албан тушаалтнуудын авлига, бизнесийн хэрэгсэл болсон гэх асуудлаар бид үргэлжлүүлэн мэдээллийг хүргэнэ.
Сэтгэгдэл (0)
Сэтгэгдэл бичигдээгүй байна