Шойгу Сири дэх Оросын цэргийнхэн 2019 онд хэдэн дрон, пуужин устгасныг хэлэв

Сири дэх Оросын цэргийнхэн 2019 онд цэргийн бааз руу нь довтолсон алан хядагчдын 53 дрон, 27 пуужинг устгасан тухай ОХУ-ын Батлан хамгаалахын сайд Сергей Шойгу яамны коллегийн хурал дээр мэдэгджээ. Тэрээр “Оросын цэргийн объектууд агаарын довтолгооноос хамгаалах системүүд ба радио электрон тэмцлийн төхөөрөмжүүдээр найдвартай хамгаалагдсан. Зөвхөн энэ жил гэхэд л эдгээр систем нь алан хядагчдын нисгэгчгүй нисдэг төхөөрөмж 53 ширхгийг, олноор гал нээх тийрэлт системийн 27 пуужинг устгасан байна” гэжээ. Хамгийн сүүлд Оросын цэргийн “Хмеймим” цэргийн бааз руу энэ сарын 22-нд алан хядагчид нисгэгчгүй нисэх төхөөрөмж ашиглан дайрахыг оролдсон ч агаарын довтолгооноос хамгаалах систем нь дайралтыг амжилттай няцааж, бүх дронуудыг устгасан байна.