Тайваны жанжин штабын дарга нисдэг тэрэгний ослоор амиа алджээ

Тайваны армийн өндөр албан тушаалтнуудын сууж явсан онгоц Тайбэйн ойролцоо осолдсоны улмаас жанжин штабын дарга хурандаа генерал ШэньИмин болон бусад зургаан хүн амь үрэгдсэн тухай “dw.com”мэдээлсэн байна.

Шинэ Тайбэй дэх уулархаг бүсэд нисэж явсан онгоц сүйрэхэд арлын улсын жанжин штабын дарга болон бусад зургаан хүн амиа алдаж, таван хүн шархадсан байна. Тайваны нисэх хүчний UH-60M Blackhawk нисдэг тэрэг шинэ жилийн ёслолын арга хэмжээнд оролцохоор ТайбэйнСуньшин дэх нисэх баазаас хөөрч, арлын сүүн хойд хэсэгт оршин Илань гацаа руу нисэх ёстой байсан ч Уайл нэртэй уулархаг газар осолд орж,  радарын дэлгэцээс алга болсон гэж “AP” агентлаг тодруулсан байна.

Орон нутгийн хэвлэлүүдийн мэдээлж байгаагаар нисдэг тэрэг ослын газардалт хийсний улмаас ингэж олон хүн амиа алджээ. Нисгэгчид нь туршлагатай хүмүүс байсан гэж байна. Хэргийг мөрдөн шалгах ажлыг эхлүүлжээ.

Амь үрэгдсэн ШэньИмин нь 2019 оны долоодугаар сард жанжин штабын даргаар томилогдсон. Үүнээс өмнө Тайвань арлын цэргийн нисэх хүчнийг командалж байсан. Түүнийг командлагч байхад Тайвань нь Америкаас хамгийн сүүлийн үеийн F-16V сөнөөгч онгоц худалдан авч техникийн шинэчлэл хийх ажлыг эхлүүлээд байсан юм. Мөн ШэньИмин нь БНХАУ-ын Ардын чөлөөлөх арми арлыг чөлөөлөхөөр дайрсан тохиолдолд Тайваны жанжин штабыг удирдах ёстой байжээ.

Тайван арлын Үндэсний батлан хамгаалахын орлогч асан Эндрю Янг энэ талаар ярихдаа ШэньИмин болон бусад өндөр албан тушаалт цэргийнхэн амиа алдсан нь янз бүрийн халаа сэлгээ хийхэд хүргэх ч тэр бүхэн нь энэ сарын 11-нд болох Тайваны Ерөнхийлөгчийн сонгуульд нөлөөлөхгүй гэсэн байна.