Хонконгт 2020 оны анхны эсэргүүцлийн жагсаалын үеэр 400 хүнийг баривчилжээ

Хонконгийн сөрөг хүчнийхэн Кэрри Лам тэргүүтэй эрх баригчдад үзүүлэх дарамт шахалтыг улам нэмэгдүүлэх зорилготой “Нуруу нуруугаа нийлүүлэн зогсоцгооё” уриатай эсэргүүцлийн жагсаалын оны эхний өдөр явуулжээ. Эрх баригчдаас албан ёсны зөвшөөрөл авч явуулсан тус жагсаалд сая гаруй хүн оролцсон гэж зохион байгуулагчид нь мэдэгдсэн байна.

Энэ удаагийн жагсаалын үеэр сөрөг хүчнийхэн цагдаа нарын эсрэг шатах шингэнтэй лонх шидэж, гудамж талбайн хаасан хаалт босгож, БНХАУ-ыг дэмжсэн гэж үзсэн банк, компанийн офисуудыг түйвээсэн байна. Иймд цагдаа нар жагсаалын тараах арга хэмжээ авч  даралтат ус шүршигч, нулимс асгаруулагч ашиглажээ. Жагсаалын тараах үеэр цагдаа нар 400 орчим хүнийг баривчилсан байна.

Хонконгийн сөрөг хүчнийхэн хэрэгтэн шилжүүлэх хуулийг хүчингүй болгож чадсан ч одоо жагсагчдын эсрэг цагдаа нарын авч байгаа арга хэмжээг хараат бус комисс томилсон шалгуулан буруутгасан дүгнэлт гаргуулах, жагсаал цуглаанд оролцсон хэргээр баривчлагдаад байгаа хүмүүсийг цагаатган суллах, Хонконгийн захиргааны тэргүүн Кэрри Ламыг огцруулах, Хонконгт чөлөөт сонгууль явуулахыг шаардаж байгаа юм.