Хөшигний ард: Тод каннам эмнэлгээр үйлчлүүлж байгаад амиа алдсан бүсгүйн хэргийн мөрөөр... Зариг.мн сайт “Хөшигний ард” нэвтрүүлгийнхээ шинэ дугаарыг Эрдэнэт хотоос бэлдлээ. Есөн сарын өмнө Эрдэнэт хотын иргэн, 29 настай Г.Одмаа Улаанбаатар хотод байх Тод каннам эмнэлгээр үйлчлүүлж байгаад амь насаа алдсан юм. Түүний амиа алдсан хэргийн мөрдөн шалгах ажиллагаа, прокурорын хяналт дуусаж, шүүхийн шатанд иржээ. Талийгаачийн цогцост хийсэн ШШҮХ-ийн шинжилгээний дүн “Бутарсан өөх тархины судсыг бөглөж тархи үхэжсэн” гэсэн дүн гарсан байна Мөн НМХГ болон шинжээчийн дүгнэлтээр Тод каннам эмнэлэг нь гоо сайхны мэс ажилбар хийх тусгай зөвшөөрөлгүй, мэргэжлийн эмчгүй, эмнэлгийн тусгай зориулалтын байр, хэрэгсэлгүй, хаяг байршлын зөрчилтэй атал тухайн мэс заслыг хийсэн нь тогтоогдоод байна. Гэвч уг хэрэгт яллагдагчаар тус эмнэлгийн Ерөнхий эмч Д.Тодномбат, мэдээгүйцүүлэлтийн эмч Б.Мөнгөнчимэг нарыг татаж “Санаандгүйгээр” хүний амь хөнөөсөн хэргээр зүйлчилсэн байна. Талийгаач айлын ганц охин бөгөөд мөн ганц охинтой. Хорвоо дээр өнчрөн үлдсэн ээж аав, төрсөн гэр, мөрөөдлөө биелүүлэн ажиллуулж байсан Солонгос хоолны ресторан, хамт олных нь байдлаас сурвалжлан бэлтгэсэн нэвтрүүлгээ хүргэж байна. Энэ хэрэг “САНААНДГҮЙ” хүний амь хөнөөсөн хэрэг мөн үү???
Сэтгэгдэл (0)
Сэтгэгдэл бичигдээгүй байна