Ираны дээд удирдагчийн зөвлөх АлиАкбарВелаяти нь АНУ-ын цэргээ нэн даруй Ойрх Дорнодоос гаргаагүй тохиолдолд харамсана гэж анхааруулсан байна. Тэрээр “АНУ нь Сулейманийн аминд хүрснээр том тэнэг зүйл хийсэн тул одоо хоёр дах Вьетнамтай тулгарах болно” гэж мэдэгдсэн байна. Вьетнамын дайнд АНУ нь 1965-1973 онуудад эрчимтэй оролцсон байдаг. Энэ хугацаанд АНУ-ын 58 мянган цэргийн албан хаагч амиа алдаж, 303 мянга нь шархадсан байдаг. Дайнд АНУ-ын дэмжиж байсан Өмнөд Вьетнам ялагдсан.
Америк ба Ираны харилцаа Трампыг Ерөнхийлөгчөөр сонгогдсоноос хойш эрс муудаж эхэлсэн ч хэзээ ч одоогийн шиг хурцадаж байгаагүй юм. Өнгөрсөн оны сүүлээр АНУ нь Ирак ба Сири дэх Ираны дэмжлэгийг авдаг "КатаибХезболла"шиаг дагагчдын бүлэглэлд агаараас цохилт өгч олон арван хүний аминд хүрснээр ээлжит удаагийн хурцадмал байдал эхэлсэн. Үүний дараагаар шиаг дагагч жагсагчид Багдад дах АНУ-ын Элчин сайдын яам руу дайрч, элчин сайд нь зугтсан. Трампэнэ бүхэнд Ираныг буруутгаад өнгөрсөн долоо хоногийн пүрэв гарагийн шөнө Багдад хотын нисэх буудалд тусгай ажиллагаа явуулах тушаал өгсөн. Энэхүү ажиллагааны явцад Ираны тусгай хүчний командлагч КасемСулеймани болон Иракийн шиаг дагагчдын сайн дурын хүчний орлогч дарга Абу Махди аль-Мухандис нар амиа алдсан. Энэ бүхний хариуд Ираны удирдлага АНУ-ын цэргийн объектуудад заавал хариу цохилт өгнө гэж мэдэгдсэн. Трамп хариуд нь Ираны 52 объектод цохилт өгнө гэж анхааруулсан.
Ирак нь Америкийн явуулсан ажиллагааг тусгаар тогтнолд халдсан хэрэг гэж мэдэгдээд газар нутгаасаа Америкийн цэргийн баазуудыг нэн даруй гаргах шийдвэр гаргасан. Трампын гаргасан шийдвэрийг бүс нутагт томоохон дайн дэгдэх хэмжээнд хүргэлээ гэж БНХАУ, ОХУ зэрэг орнууд төдийгүй АНУ-ын Конгресс дэх Ардчилсан намын олонх эрс шүүмжилж байгаа юм.
Сэтгэгдэл (0)
Сэтгэгдэл бичигдээгүй байна