Израйлын Ерөнхий сайд БиньяминНетаньяху АНУ ба Ираны хооронд дэгдэж магадгүй дайнд улс орон нь татагдан оролцох ёсгүй гэж мэдэгдсэн тухай “Anadolu Ajansi” мэдээлж байна. Нетаньяху нь Сайд нарын зөвлөлийн хуралдаан дээр үг хэлэхдээ Ираны генерал КасемСулейманийг хөнөөсөн хэргийг АНУ үйлдсэн, энэ хэрэгт Израйл ямар ч хамааралгүй гэдгийг онцолсон байна. Гэхдээ АНУ нь өөрийгөө хамгаалах арга хэмжээ, түүний дотор өрсөн цохилт хийх бүрэн эрхтэй гэж мэдэгджээ.
Энэ зуур АНУ-ын Ерөнхийлөгч Трамп нь сэтгүүлчдэд мэдэгдэл хийхдээ Ирантай дайтах тохиолдолд олон улсын дүрмийг баримтлан соёлын өвд багтах объектууд руу нь дайрахгүй гэж мэдэгдсэн байна. Тэрээр өмнө нь Ираны 52 объект, түүний дотор соёлын өв гэж тооцогддог барилга, байгууламжуудад цохилт өгөхөд бэлэн гэж мэдэгдэж байсан юм. Трамп 52 объект гэсэн тоог зүгээр нэг гаргаж ирээгүй шинжээчид онцолсон байна. 1979 онд Иранд гарсан лалын хувьсгалын дараагаар шашны хэнээтнүүд Тегеран хот дах АНУ-ын Элчин сайдын яамыг дайран эзэлж 66 ажилтныг нь барьцаалсан байдаг. Америкийн тагнуулын албад тусгай ажиллагаа явуулснаар 14 хүнийг суллуулж чадсан бол 52 хүнийг нь шашны хэнээтнүүд 444 өдөр барьцаанд байлгаад 1981 онд Алжирт гэрээ байгуулсны дараагаар суллан явуулсан байдаг. Тухайн үедээ Алжирын гэрээгээр АНУ нь лалын хувьсгал гарч төрийн эргэлт гарсан ч цаашдаа Ираны дотоод хэрэгт оролцохгүй, Ираны гадаад банкнууд дах дансны битүүмжийг авч, худалдааны хориг арга хэмжээгээ цуцлах үүрэг хүлээсэн.
Сэтгэгдэл (0)
Сэтгэгдэл бичигдээгүй байна