Солонгос улсад хууль бусаар ажиллаж, амьдарч байгаа гадаад иргэд гэмт хэрэгт холбогдох тохиолдол нэмэгдэх болжээ. Сүүлийн үед гадаад иргэд нэгнийгээ гэмтээсэн, хоорондоо зодолдсон гэх дуудлага цагдаагийн газарт ихээр ирэх болсон бөгөөд өнгөрөгч 1 сарын 12-ны өдрийн өдар Ваньду мужид хууль бусаар амьдарч байсан Орос улсын иргэд хоорондоо муудалцан, нэгнийхээ биед халдсан хэрэг гарсан байна. Эдгээр иргэд буудалд хамт ажилладаг байсан бөгөөд нэгнийгээ хутгалж гэмтээжээ. Мөн өнгөрөгч 12-р сард БНСУ-д хууль бусаар амьдарч байсан Орос улсын иргэд бусдын гэрт орж хулгай хийж байгаад баригдсан бол Узбекистан улсын иргэн А БНСУ-д хууль бусаар амьдарч байгаа гэх сул талыг нь ашиглан Иран улсын иргэн Б-г хүчээр биеийн үнэлүүлэх гэсэн тохиолдол гарсан байна. Энэ мэтчилэн БНСУ-д хууль бусаар амьдарч байгаа иргэд гэмт хэрэгт холбогдох тохиолдол эрс нэмэгдэж байгаа хэдий ч цагаачлалын албанаас тус хэрэгт арга хэмжээ авах хүн хүч дутмаг байгааг мэдээлсэн байдаг. Одоогийн байдлаар БНСУ-д хууль бусаар амьдарч байгаа иргэдийн тоо 380,000-д хүрчээ.
Сэтгэгдэл (0)
Сэтгэгдэл бичигдээгүй байна