ОХУ-ын Засгийн газар огцорлоо

ОХУ- ын Засгийн газар өчигдөр гэнэт огцорсон явдал олон улсын №1 мэдээлэл боллоо. ОХУ-ын Ерөнхий сайд Дмитрий Медведев нь Ерөнхийлөгч Владимир Путинтэй уулзахдаа төрийн тэргүүний зүгээс Үндсэн хуульд өөрчлөх оруулах тухай санал гаргасантай холбогдуулан цаашид түүнийг үүрэгт ажлаа хуулийн дагуу бүрэн дүүрэн гүйцэтгэхэд нь дэмжлэг болох үүднээс огцорсон нь зөв гэж үзэж байгаагаа мэдэгдсэн байна. Владимир Путин огцрох тухай хүсэлтийг нь хүлээн аваад сайд нарын шинэ танхим бүрэлдүүлэх хүртэл үүрэгт ажлаа гүйцэтгэж байхыг хүссэн төдийгүй Засгийн газрын өдийг хүртэл хийсэн ажилд сэтгэл хангалуун байгаагаа онцолжээ.

Путин нь Медведевтэй уулзахын өмнө Холбооны хуралд жил болгон хийдэг илгээлтээ уншиж танилцуулсан юм. Энэхүү илгээлтийнхээ хүрээнд тэрээр ОХУ-ын Үндсэн хуульд зарим өөрчлөлт оруулахыг санал болгон. Тухайлбал, Засгийн газрын ажлыг парламенттай илүү уялдуулах үүднээс Ерөнхий сайдад болох хүнийг Ерөнхийлөгч дэвшүүлэн парламент баталдаг байсныг халж, Парламент дэвшүүлэн баталж, дараа нь баталсан Ерөнхий сайдын санал болгосноор шадар сайдууд ба холбооны сайдуудыг томилдог болохыг санал болгосон байна. Ингэхдээ Ерөнхийлөгч нь Засгийн газрын үйл ажиллагааны чиглэлийг тодорхойлох, шаардлагатай гэж үзвэл Ерөнхий сайд, түүний орлогч ба сайд нарыг халах эрхтэй үлдэхийг санал болгосон байна.

Путин нь Ерөнхий сайд асан Медведевт ОХУ-ын Аюулгүйн зөвлөлийн тэргүүлэгчийн орлогчийн суудлыг санал болгожээ. Мөн үүнтэй зэрэгцээд Үндсэн хуульд өөрчлөлт оруулах хүртэл Ерөнхий сайдын албан тушаалд Оросын Холбооны Татварын албаны тэргүүн МихаилМишустиныг томилох саналыг Төрийн Думад хүргүүлжээ.

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 01 сарын 16  [ 43.231.114.34 ]
өрь

хүчтэй төр гэж энэ дээ манай жеенко яажна

Top