Германы Ерөнхий прокурорын газар нь Европын холбооны удирдлагад өндөр албан тушаал хашиж байсан Германы иргэн ба лобби компанийн өөр хоёр ажилтын Хятадын талд тагнуул хийсэн хэргээр шалгаж байгаа тухай “Spiegel” мэдээлжээ.
Энэ хэрэгтэй холбоотойгоор Германы хууль сахиулах байгууллагынхан Берлин, Брюссель хотууд болон Баден-Вюртемберг ба Бавари мужууд дах офист нэгжлэг хийсэн байна.
Нэрийг нь нууцлаад байгаа хүн нь Европын холбооны гадаад харилцааны албанд дипломатч байсан, дараа нь Европын холбооны удирдлагад өндөр албан тушаал хашиж байгаад олон оронд Европын холбооноос суух байнгын төлөөлөгчийн ажлыг хийж байжээ. Тэрээр 2017 онд Европын холбооны удирдлагад ажиллахаа больж, лобби хийдэг Германы нэгэн компанид ажилд орсон байна. Тэр үеэс Хятадын тагнуулын албатай холбоо тогтоон ажиллаж эхэлсэн төдийгүй компанийнхаа хоёр ажилтныг тагнуулын ажилд элсүүлсэн аж. Улмаар лобби хийх ажлынхаа үеэр олдсон хувийн болон төрийн нууц мэдээллийг Хятадын талд дамжуулах болсон байна.
Тагнуулын хэрэгт сэжиглэсэн хүмүүсийг хараахан баривчлаагүй байгаа аж.
Сэтгэгдэл (0)
Сэтгэгдэл бичигдээгүй байна