АНУ-ын Үндсэн хуулийн 14 дүгээр өөрчлөлтийн дагуу тус улсын нутаг дээр төрсөн хүүхэд болгон шууд иргэншил авдаг. Үүнээс болоод төрөхийнхөө өмнөхөн жуулчны визагаар Америкт ирж төрдөг төрөх “төрөх” гэгдсэн жуулчлал газар аваад байгаа аж. Америкийн нутаг дээр төрсөн хүүхэд нь Үндсэн хуулийнх нь заалтын дагуу шууд харьяат нь болдог боломжийг Хятад, Орос, Нигери эмэгтэйчүүд хамгийн өргөн ашигладаг гэсэн статистик судалгаа гарсан байна. “Төрөх жуулчлал” –ын улмаас АНУ-д нутаг дээр нэг жилд дунджаар 33 мянган хүүхэд төрдөг аж.
Харин Ерөнхийлөгч Трампын Захиргаа нь энэхүү төрөх жуулчлалыг зогсоох гэж байгаа тухай “Axios” мэдээлсэн байна. Трампын захиргааны хүн “Axios”-т ярилцлага өгөхдөө “Үндэсний аюулгүй байдлыг хангах ба “төрөх жуулчлалтай” холбоотой гэмт хэргийн идэвхийг таслан зогсоох зорилгоор өөрчлөлт оруулах шаардлагатай болсон” гэжээ. Гэхдээ ямар үндэслэлээр хөл хүнд эмэгтэйг АНУ-ын нутаг руу нэвтрэхийг хориглох талаар тодруулга өгөөгүй байна.
Америкт амаржсан эмэгтэйчүүд визийн хугацаа дуусахаар нутаг буцдаг ч удалгүй хүүхдийнхээ нэрийн өмнөөс Америкийн иргэншил хүсдэг, өөрсдөө насанд хүрээгүй хүүхдийнхээ асран хамгаалагч гэдгээр Америкт байнга оршин суух зөвшөөрөлтэй болдог аж.
Сэтгэгдэл (0)
Сэтгэгдэл бичигдээгүй байна