БНХАУ-д шинэ төрлийн коронвирусын халдварын улмаас уушгины хатгаагаар өвдсөн хүний тоо 570 болсон тухай тус улсын Эрүүл мэнд, ариун цэврийн хорооноос мэдээлсэн байна. Тус халдварын улмаас нас барсан хүний тоо 17 хүрч, 97 хүний бие маш муу байгаа бол өвдсөн хүмүүстэй тулж ажиллаж байсан 5.8 мянган хүнийг карантинд оруулаад байгын хяналтад байлгаж байна.
Өвдсөн хүний тоогоор Ухань муж нэгдүгээрт яваа бол Жэзян, Шанхай, Чунчин, Тянжин, Гуанси-Жуаны автономит дүүрэг, Хэнань, Сычуань мужууд, Хайнань арал, Бээжин хотууд удаалж байгаа аж.
Иймд БНХАУ-ны Засгийн газар нь олныг хамарсан тахал дэгдэхээс сэргийлэх үүднээс янз бүрийн арга хэмжээ авч эхэлжээ. Халдвар авсны дараа хоёр долоо хоног үргэлжилдэг нууц үе бүхий вирусын анхдагч эх үүсвэрийг зэрлэг амьтад гэж үзэж байгаа юм байна. Иймд жишээлбэл Өвөр Монголын удирдлагууд тахиа шувууны мах болон зэрлэг амьтадын мах худалдаалахыг хориглох шийдвэр гаргасан байна.
Хөх хотын хөдөө аж ахуйн зах, дэлгүүр, супермаркетуудад эдгээр махыг зарахыг хориглосон бөгөөд зарж байгааг нь илрүүлбэл эрх баригчдад нэн даруй мэдээлэхийг уриалжээ. /Харин манайхан тахианы махаа хаанаас авдаг билээ?/
Энэхүү шинэ вирусын халдвар нь Хятадаас гадна Тайланд, Өмнөд Солонгос, Япон, Сингапур, Филиппин зэрэг улсуудад бүртгэгдээд байгаа. Өнөөдөр Оросын Пулково нисэх буудалд буусан хоёр хятад жуулчинд коронавирусын шинж тэмдэг илэрсэн тул нарийвчилсан шинжилгээ хийхээр болсон тухай мэдээлж байна.
Сэтгэгдэл (0)
Сэтгэгдэл бичигдээгүй байна