АНУ-ын Ерөнхийлөгч Дональд Трамп “Twitter”-тээ нэг өдөр бичсэн зурвасын тоогоор шинэ дээд амжилт тогтоосон байна. Тэрээр Давосын Дэлхийн эдийн засгийн чуулга уулзалтад оролцож байгаа юм. Тэндээс 88 секунд тутам нэг зурвас “Twitter” дээрээ байршуулсаар, нэг өдрийн дотор нийт 142 удаа мэдээлэл нийтэлжээ.
Өмнө нь тэрээр 2019 оны арванхоёрдугаар сард нэг өдрийн дотор 123 зурвас бичиж дээд амжилт тогтоогоод байсан аж.
Трамп ингэж идэвхтэй олон зурвас бичиж байгаагийн цаад шалтгаан нь мэдээж хэрэг Конгрессын Сенатад хэлэлцэгдэх гэж байгаа түүний импичментийн асуудал юм.
Сенат дах Бүгд найрамдах намын олонх нь импичментийн асуудлыг хурдавчилсан горимоор авч хэлэлцэхийг дэмжсэн. Ингэснээр Конгрессын төлөөлөгчдийн танхим дах Ардчилсан намын олонхоос сонгосон яллагчид ажлын гурван өдрийн дотор тус бүр 24 цагийн турш Трампыг буруутай гэж үзэх нотлох баримт, үндэслэлээ танилцуулах боломж олгоно. Үүний дараа Сенатын гишүүдийн асуултад хариулах 16 цаг олгоно. Үүний дараа импичментийн асуудлыг хэлэлцэх явцад Сенатад гэрчүүдийг дуудах, нэмэлт бичиг баримт танилцуулахаар дуудах эсэх талаар 4 цаг үргэлжилсэн мэтгэлцээн хийнэ. Хэрэв гэрч дуудахгүй гэвэл Сенатын төлөөлөгчид нь яллагчдын сонгосон Трампыг эрх мэдлээ хэтрүүлсэн эсэх, Конгрессоос явуулж байгаа мөрдлөгөд санаатайгаар саад болсон эсэх талаар санал хураах үлдэх юм.
Сенат дах Бүгд найрадах намын олонх нь ямар ч тохиолдолд өөрийн намаас нэр дэвшин ялсан Ерөнхийлөгчийг унагахгүй гэдгээ удаа дараалан мэдэгдэж байгаа ч Трамп “Айхгүй ч гэлээ аягүй гэдгээр” түгшиж байгаа бололтой.
Сэтгэгдэл (0)
Сэтгэгдэл бичигдээгүй байна