АНУ-ын Төрийн нарийн бичгийн дарга Майк Помпео Ямайк улсад албан ёсны айлчлал хийх үеэр Хятадыг илэрхий өдөөн хатгасан гэж болохоор мэдэгдэл хийсэн байна. “Reuters” агентлагийн мэдээлж байгаагаар Майк Помпео нь улс орнуудад хандан Хятадаас хөрөнгө оруулалт авахгүй байхыг уриалсан байна. Тэрээр “Эдгээр хөрөнгө оруулалт нь танай улсыг нураах бөгөөд танай иргэдийн хувьд шинэ ажлын байр бий болгохгүй. Хятадын хөрөнгө оруулалт нь зөвхөн авлигын өөгшүүлж, хууль эрх зүйг дээдэлдэг явдлыг үгүй хийх болно” гэсэн юм байна.
Хятадын зарим хөрөнгө оруулалт нь туйлын эргэлзээ төрүүлэхээр байгааг мэргэжилтнүүд онцолдог. Тухайлбал, Африкийн орнуудад олон тэрбумын хөрөнгө оруулалт хийлээ гэж зарладаг ч үнэн хэрэг дээрээ зөвхөн Хятадын компани, хятад тоног төхөөрөмжөөр, хятад ажилчид ажиллах нөхцөлтэйгээр хөрөнгө оруулалт хийдэг. Дээр удирдлагад нь элдэв зүйл амлах замаар хамтарсан төслийн Хятадын хөрөнгө оруулалтыг элдэв татвар суутгалаас чөлөөлдөг. Ингэснээр нөгөө улс нь хамааралт байдалд ороод, Хятадын тал хөрөнгө оруулалт хийсэн нэрээр халхавч хийгээд эзэн суугаад үлддэг. Үнэн хэрэг дээрээ Хятад өөрийн ажилчид, компаниуддаа ажил олгоод, хөрөнгө оруулалтаар хийсэн бүх хөрөнгөө тэдэнд олгох цалин, ажлын гүйцэтгэлийн төлбөр хэлбэрээр буцаагаад нутаг руугаа татдаг. Зөвхөн Хятад онцлогтой тоног төхөөрөмж суулгаж, хятад ажилчид ажиллах нөхцөл анхнаасаа тулгадаг тул хөрөнгө оруулалтаас ирэх дийлэнх ашгийг Хятад улс л эргээд хүртэж таардаг гэж шүүмжилдэг.
Сэтгэгдэл (0)
Сэтгэгдэл бичигдээгүй байна