2020/10/02
USD 2,811

ДЭМБ “2019-nCoV” коронавирусээс болж онц байдал зарлахгүй

Б.Бадрал
2020/01/24

Дэлхийн эрүүл мэндийн байгууллага /ДЭМБ/-ын Онц байдлын хороо нь Хятадад гарсан “2019-nCoV” коронавирусын дэгдэлтээс үүдэн онц байдал зарлаад хэрэггүй гэж үзсэн байна. Тус хорооны дарга Дидье Уссэн “Олон улсын түвшинд түгшүүр төрүүлэхүйц ийм алхам хийх цаг нь хараахан болоогүй байна” гэж мэдэгдсэн байна. Улмаар онц байдал зарлаад хэрэггүй гэсэн зөвлөгөөг ДЭМБ-ыг Ерөнхий захирал Тедрос Аданом Гебрейесуст өгсөн гэдгээ мэдэгджээ.

ДЭМБ-ын Ерөнхий захирал ч Онц байдлын хорооноос өгсөн зөвлөгөөг дагаж ДЭМБ-ыг олон улсын хэмжээнд онц байдал зарлах түдгэлзэж байгаа тухайгаа албан ёсоор мэдэгдсэн байна. Мөн Хятад руу аялах талаар ямар нэг хязгаарлалт оруулах хэрэггүй гэж үзэж байгаагаа нэмж хэлжээ.

Олон улсын хэмжээнд онц байдал зарласан нөхцөлд дэлхийн нийтийг анхаарлыг өвчний тархалт ба түүнтэй тэмцэх сангуудад татахад шаардлагатай бүх арга хэмжээг авдаг.

БНХАУ-аас сүүлд ирж байгаа мэдээгээр “2019-nCoV” вирусын халдвараар өвдсөн нь батлагдсан хүний тоо 850 хүрээд байгаа аж.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна