Хятадад олон сая хүн халдвар авч хэдэн зуун мянган хүн коронавирусын улмаас нас барсан тухай үндэслэлгүй мэдээлэл сүүлийн үед ихэд тархаж байна. Үүнээс болоод олныг хамарсан айдас, хийрхлийн үзэгдэл нь ямар ч коронавирусын халдвараас дутахааргүй хохирол учруулж байгаа. Иймд албан ёсны эх сурвалжийн мэдээллийг чухалчлах нь зүйтэй талаар мэргэжилтнүүд анхааруулж байна.
Хятадын төрийн мэдлийн “Синьхуа” агентлагийн мэдээлж байгаа эдгээр амралтын өдрүүдэд коронавирусын халдвар авсан нь батлагдсан хүний тоо 2744 хүрсэн байна. Халдварын улмаас нас барсан хүний тоо 80 болж, биеийн байдал нь маш хүнд байгаа хүний тоо 461 болжээ.
Үүнээс гадна Хятад даяар халдвар авсан байж болзошгүй гэж тусгаарлагдан хяналтад байгаа хүний тоо 5794 болсон байна. Статистик мэдээгээр халдвар авсан гэж тусгаарлагдсан нийт тохиолдлын 50 хувиас нь вирус илэрдэг аж.
Сэтгэгдэл (0)
Сэтгэгдэл бичигдээгүй байна