Дэлхийн ихэнх улс орон Хятадаас эхтэй коронавирусын халдварын тархалтын анхааралтай ажиглаж байгаа бол зарим Зүүн Африкт вирустэй манатай байгаа тухай “Дэйли мэйл” бичсэн байна.
Учир нь, Зүүн Африкийн орнууд түүний дотор Кени улс нь сүүлийн 70 жил байгаагүй их хэмжээний царцаан нүүдэлд дарагдаад байгаа аж.
Нэг бүр нь 150-200 сая ширхэг царцаанаас бүрдсэн 20 гаруй тос сүрэг Кенийн улсын 70 мянган гектар газрыг бүчин авчээ. Нэг сүрээг нь ойролцоогоор хөл бөмбөгийн 250 талбайтай дүйцэх газрыг бүчин авч хамаг ургамлыг идэж устгадаг. Одоогоор Кенид илрүүлээд байгаа хамгийн том царцаан сүрэг нь уртаашаа 57 км, өргөөшөө 38 км газрыг битүү хучин нүүдэллэж байгаа аж.
Царцаан нүүдэл замдаа таарсан бүх л ургамлыг юу ч үгүй идэж устган хоногт 150 км газар туулах чадвартай.
Газар тариалан, хөдөө аж ахуйн зонхилдог Кени шиг улсын хувьд ингэж хамаг өвс ногоо, мод бутаа устгуулна тун удахгүй ургац авахгүй, хонь, үхэр нь тэжээлгүй болсноор хүмүүс өлсгөлөнгөөр гарцаагүй үхнэ гэсэн үг болоод байгаа аж. Гэвч коронавирусын тархалттай давхцаад байгаа тул улс орнууд энэ гайд төдийлөн анхаарахгүй, туслахгүй байгаа юм байна. Кенид царцааны эсрэг химийн бодис ашиглахад дор хаяж 54 сая доллар шаардлагатай байгаа аж.
Энэ яаралтай арга хэмжээ аваагүй тохиолдолд удахгүй Африкийн энэ улсад борооны улирал эхэлнэ гэж мэргэжилтнүүд анхааруулж байна. Борооны улирлаар сүргийн тоо толгой 500 дахин нэмэгддэг тул учруулах хохирлын хэмжээ бүр нэмэгдэж болзошгүй байгаа аж.
Сэтгэгдэл (0)
Сэтгэгдэл бичигдээгүй байна