Өнгөрсөн долоо хоногийн баасан гарагт Туркийн зүүн нутагт болсон газар хөдлөлтийн улмаас амиа алдсан хүний тоо 38 болоод байгаа тухай тус улсын Онц байдлын агентлаг мэдээлсэн байна.
Нэгдүгээр сарын 24-ний орой 6,8 магнитудын хүчтэй газар хөдлөлт Туркийн Элязыг мужийн Сивриж хотын орчим болсон. Үндсэн газар хөдлөлтийн дараагаар 4,0 ба түүнээс дээш хүчтэй 228 ширхэг дагалдах газар хөдлөлт бүртгэгдсэн байна. Газар хөдлөлт Туркийн Адана, Хатай, Османие, Тунжели, Газиантеп, Шанлыурфа, Малатья, Мардин, Самсун, Токат, Чорум, Кайсери мужуудад мэдрэгдсэн байна.
Газар хөдлөлтийн голомтын орчим Туркийн аврагчид ажиллаж, нуранги дороос хүмүүсийн аварсаар байна. Жишээлэхэд газар хөдлөлтөөс 24 цагийн дараа Элязыг хот дах нуранги дороос 2 ойтой охиныг олж аварсан байна.
Мөн газар хөдлөлтийн улмаас орон гэргүй болсон хэдэн арван мянган хүнд туслах зорилгоор 10 мянга орчим майхан барьсан гэж байна.
Сэтгэгдэл (0)
Сэтгэгдэл бичигдээгүй байна