Хятадын дээд шүүхээс шинэ коронавирусийн тархалтыг хянах, тархахаас урьдчилан сэргийлэх арга хэмжээг тасалдуулж, зөрчиж байгаа бүх л төрлийн гэмт хэрэгт ногдуулах шийтгэлийг улам чангатгахыг уриалсан тухай “Синьхуа” агентлаг мэдээлжээ. Хятадын Ардын дээд шүүхийн намын гишүүдийн хуралдаан дээр коронавирусийн эсрэг арга хэмжээнд дэм үзүүлэх тухай яригдаад ийм уриалга гаргасан юм байна.
Ингэснээр өвчний улмаас нийгмийг бүрхээд байгаа айдас, болгоомжлолоор далимдуулан хуурамч эм ба эмнэлгийн төхөөрөмж хийж зарсан, дамласан, зэрлэг амьтдын наймаа хийсэн, элдэв цуурхал тарааж, эмнэлгийн ажилтнууд руу дайрч давшилсан хүмүүст хамгийн хатуу шийтгэл ногдуулна гэж анхааруулсан байна.
Хятадын шүүх ингэж хатуу шийтгэж ногдуулна гэж анхааруулахгүй байсан ч туйлын хатуу шийтгэл ногдуулдаг, ямар ч эрх мэдэлтэй хүн байлаа гээд зөрчил гаргасан нь тогтоогдвол туйлын хатуу шийтгэдэг гэдгээрээ алдартай.
Сэтгэгдэл (0)
Сэтгэгдэл бичигдээгүй байна