Дэлхийн хамгийн баян компани руу пуужингаар харважээ

Саудын Аравийн “Saudi Aramco” компанийг мэргэжилтнүүд 2 их наяд доллароор үнэлэн дэлхийн хамгийн баян компани болгосон. Үүнийг дагаад Саудын Аравийг чадах гэсэн хүчнүүд энэ үйлдвэрийг довтлох тохиолдол эрс нэмэгдсэн. Тухайлбал, өнгөрсөн долоо хоногт Йемений хусит босогчид “Saudi Aramco” компани руу пуужингаар харван довтолсон тухай Америкийн “The Wall Street Journal” сонин бичсэн байна. Гэвч Саудын Арави нь Америкаас худалдан авсан агаарын довтолгооноос хамгаалах системээ ашиглан бүх пуужинг амдан устгаж чаджээ.

Сауды Арави нь холбоотон орнуудаасаа эвслийн хүч бүрдүүлэн Йемен дэх иргэний дайнд хусит босогчдын эсрэг талд оролцож эхэлсэн. Үүний хариуд хусит босогчид Саудын Аравийн газрын тос олборлох ба боловсруулах объектууд руу дайралт хийх болсон юм.