ХӨСҮТ: Ухань хотоос ирсэн оюутнуудын эхний шинжилгээний хариу сөрөг гарсан

А.Амбасэлмаа

-Польш улсад амьдарч байгаа хүмүүс улсдаа 400 мянган маск, хувийн хамгаалах хэрэглэл хандивлалаа. УИХ-ын Батнасан 13 мянган макс ЭМЯ-д хандивласан. Монгол Солонгосын коллежийн оюутнууд 900 макс оёод хандивлалаа. Ингэж төрийн болон төрийн бус байгууллагууд хамтарч ажиллаж байгаад талархаж байна.

О.Ариунтуяа:

-17 мянга 900 хүн өвдсөн, нас барсан тохиолдол 45-аар нэмэгдсэн ч түвшин нь 2,1 хэвээр байна. БНХАУ-аас гадна Филиппинд анхны нас баралт бүртгэгдсэн. Анхны хавьтлаар халдвар авсан хүн нас барсан. Хятадаас гадна эрүүл мэндийн ажилтан нь халдвар авсан анхны тохиолдол Франц улсад гарсан. Тэр хүн өөрийгөө 4 хоног тусгаарлаж байгаад эмнэлэг дуудахдаа Уханьд айлчилсан гэдгээ хэлсэн байсан. Иймд манайд ч бас голомттой газруудаар аялаад ирсэн бол аль болох гадуур гарахгүй, хувийн хамгаалалтаа байнга хэрэглэхийг зөвлөж байна.

Вирусын талаарх анхны мэдээллийг 12 дугаар сарын 31-нд авсан. Түүнээс хойш МУ нь халдвар илрээгүй 34 дэх хоног болж байна. Энэ бол төр засаг ба ард иргэдийн хамтын ажиллагааны үр дүн.

Д.Нямхүү:

-Голомтот бүсээс ирсэн Ухань хотоос 31 оюутан 1 хүүхэд хүлээн авч тусгаарлан хянаж байна. Тэдний биеийн байдал сайн. Коронавирус илрүүлэх шинжилгээний хариу бүгд сөрөг гарсан. Дүрэм ёсоор 14 хоног хяналтад байж байгаад гарна. Мөн онгоцоор авчрахад үйлчилсэн 15 хүнийг давхар хяналтад байгаа. Замын-Үүдээр орж ирсэн гэр бүлийн гурван хүнийг тусгаарласан. Тэдний шинжилгээ бас сөрөг гарсан.

Гар утасны бохирдлыг заавал ариутгаж цэвэрлэх хэрэгтэй. Утсаа ариутгахгүй хэрэглэх тохиолдолд утасны дэлгэцээс маш их нян, гэдэсний халдварт өвчин үүсгэгч нян илэрсэн. Утсыг нүдний шил арчдаг арчуураар арчиж болно.