АНУ-ын эрх баригчид нутаг дээр нь үйл ажиллагаа явуулдаг БНХАУ-ын төрийн мэдлийн таван мэдээллийн хэрэгсэлд өмнөхөөсөө илүү хатуу шаардлага тавьж эхлэх тухай “Reuters” агентлаг мэдээлсэн байна.
Америкийн Төрийн департамент дах тус агентлагийн эх сурвалжуудын мэдээлж байгаагаар Хятадын “Синьхуа”, “CGTN” суваг, Хятадын олон улсын радио, “Жунго жибао” сонин, “Жэнминь жибао” сониныг АНУ-д тараах ажил эрхэлдэг “Hai Tian Development USA” компани гэсэн мэдээллийн хэрэгслүүдийн эсрэг шинэ хатуу дүрмийг мөрдөж эхлэх юм аж.
Шинэ дүрэм ёсоор Хятадын мэдээллийн хэрэгслүүд нь Америкийн нутаг дээрх гадаадын элчин сайдын яамдтай адил дүрмээр ажилладаг болно. Тэд АНУ нутаг дээрх ажилтнуулынхаа жагсаалтын гаргаж өгнө, ажилтнуудынхаа халаа сэлгээний талаар Төрийн департаментад мэдээлж байна, мөн Америкийн нутаг дээр эзэмшдэг ба түрээсэлдэг өмчийн талаар мэдээлж бүртгүүлж байх ёстой болно. Эдгээр шаардлагыг биелүүлэхгүй бол Америкийн нутаг дээр үйл ажиллагаа явуулахыг нь зогсооно, албадан гаргана.
Хятад нь хэвлэл мэдээллийн хэрэгслүүдээ маш хатуу хянах замаар Коммунист намын суртал ухуулгын дуулгавартай хэрэгсэл болгож байгаа тул ийм арга хэмжээ авсан гэж мэдэгдэж байна.
Ингэснээр Оросын төрийн мэдлийн хэвлэлийн хэрэгслүүдийн эсрэг 2014 оноос хойш авч байгаа элдэв хязгаарлалттай яг адил хориг, хязгаарыг Хятадын мэдээллийн хэрэгслүүдийн эсрэг авч байгааг шинжээчид онцолж. Харин хэвлэлээр дамжуулан үзэл суртал мэдээллийн талбар дээрх хориг цээр, элдэв хяналт нь хүйтэн дайны салшгүй хэсэг байдаг. Иймд АНУ нь Хятадтай худалдааны хэлэлцээ байгуулсан ч хүйтэн дайныг албан ёсоор зарлаж байгаа хэрэг гэж үзэж болохоор байна.
Сэтгэгдэл (0)
Сэтгэгдэл бичигдээгүй байна