АНУ-ын Ерөнхийлөгч Дональд Трамп 2020 оны “Оскар”-ын шилдэг киногоор шалгаранд дургүйцлээ илэрхийлжээ. Тэрээр дэмжигчдийнхээ өмнө үг хэлэхдээ “Өмнөд Солонгосын кино ялагч болж. Юу гээч чөтгөр вэ?” гэж уулга алдсан тухай “Fox News” мэдээлжээ. Түүний бодлоор АНУ ба Өмнөд Солонгосын хооронд худалдаатай холбоотой шийдэгдээгүй асуудал олон байгаа одоогийнх шиг үед “Шимэгчид” кинонд “Оскар” өгөх ёсгүй байсан аж. Тэрээр “Салхинд одогсод”, “Сансет цэцэгт гудамж” зэрэг хуучны Америк кинонуудыг эргэн сэргээх хэрэгтэй, тийм кино л жинхэнэ ялагч болж, шагнал авах ёстой гэсэн байна.
Трампын энэ мэдэгдлийг шинжээчид удахгүй болох Ерөнхийлөгчийн сонгуультай холбон тайлбарлажээ. Америкт энэ жил болох Ерөнхийлөгчийн сонгуульд нэр дэвшигчдийн тодруулах ажил ид явж буй. Иймд нэр дэвшигч болохоор горилж буй хүмүүс АНУ-д хэн нь илүү хайртай вэ? гэсэн зарлаагүй уралдаанд ялагч болохоор ана мана үзэлцэж байгаа юм. Америкт бусдаас илүү хайртай гэдгээ, Америкийн болгоныг илүү үнэлдэг, дээдэлдэг гэж харагдаж чадсан нь намаасаа нэр дэвшигч болох төдийгүй дэлхийн №1 гүрний удирдагчаар сонгогдох болохоор аргагүй биз.
Сэтгэгдэл (0)
Сэтгэгдэл бичигдээгүй байна