Өмнөд Солонгост өнөөдрийн байдлаар COVID-2019-ийн халдвар авсан 70 шинэ тохиолдолд бүртгэгдсэн тухай Өмнөд Солонгосын ЭМЯ-ны дэргэдэх Өвчин эмгэгээс урьдчилан сэргийлэх ба хянах төвөөс (KCDC) мэдээлсэн байна. Ингэснээр Өмнөд Солонгос дах нийт халдвар авсан хүний тоо 833 болжээ.
Энэ хугацаанд COVID-2019-ийн халдварын улмаас 7 хүн нас барж, 22 хүн эдгэрсэн бол 11 мянга 631 хүний шинжилгээний хариу гараагүй байна. Мөн 2 хүн маш хүнд байдалтай, 14 хүн хиймэл амьсгалын аппаратад холбогдсон байгаа аж.
KCDC-ийн мэдээлснээр шинэ тохиолдлын 41 нь Дэгү хотод, 12 нь Көнсан-Пукто мужид, 12 нь Бусанд, бусад нь улс даяар өөр мужуудад бүртгэгджээ.
Дэгү хотод халдвар авсан хүмүүсийн дийлэнх буюу 483 нь ногдож байна. Өмнөд Солонгосын нисэх компаниуд тус хотоос гарах ба орох нислэгүүдийг цуцлаад эхэлжээ.
Түүнчлэн халдвар авсан хүмүүсийн дунд цэргийн албан хаагч 13 байгаа тул БХЯ нь 7мянга 500 цэргийн албан хаагчдыг тусгаарласан байна.
Сэтгэгдэл (0)
Сэтгэгдэл бичигдээгүй байна