АНУ-ын Үнэт цаас ба биржийн комиссоос (SEC) жүжигчин Стивен Сигалыг криптовалют сурталчилсны төлөөх шагналаа нуун далдалсан хэргээр 314 мянган доллароор торгосон тухай “Financial Times” мэдээлсэн байна.
“Bitcoiin2Gen” компани нь Сигалын олон нийтийн сүлжээн дэх өөрийн аккаунт дээрээ бүтээгдэхүүнийх нь талаарх сурталчилгаа байршуулсны төлөө 2018 онд 250 мянган доллар бэлээр, 750 мянгыг криптовалютаар төлсөн байжээ. Ингээд зогсохгүй Сигал нь брэндийнх нь элч төлөөлөгч болсон байж. Гэтэл мань эр “Bitcoiin2Gen” компаниас төлбөр авч, сурталчилгаа байршуулсан талаар өөрийн дагагчдад мэдэгдээгүй байжээ.
SEC-ийн төлөөлөгч нь энэ байдлыг талаар ярихдаа олны танил хүмүүс нь тухайн үнэт цаас, криптовалют гаргагчаас авсан төлбөр, урамшууллын талаар дуулгалгүйгээр сошиал сүлжээн дэх нэр нөлөөгөө ашиглах эрхгүй байдаг гэсэн байна. 2018 онд “Bitcoiin2Gen”-ийн брэндийг рекламдах үед Сигал нь олон нийтийн сүлжээнд 6,7 сая дагагчтай байжээ.
Жүжигчин харин SEC-ийн шийдвэрийг үгүйсгэж маргалгүйгээр бүх торгуулийг сайн дураар төлөхөөр шийдсэн байна.
Сэтгэгдэл (0)
Сэтгэгдэл бичигдээгүй байна