Япон улсын засгийн газар коронавирусний халдвар тархахаас урьдчилан сэргийлэх үүднээс олон нийтийн арга хэмжээнүүдийг цуцлах, хойшлуулах хүсэлтийг өнгөрсөн лхагва гарагт спорт, энтертайнментын арга хэмжээ зохион байгуулагчдад тавьжээ.
Японы Осака хотноо энэ сарын 8-нд эхлэх сүмо бөхийн хаврын башёг үзэгчгүй зохион байгуулна гэж тус улсын Сүмо бөхийн холбооноос мэдээлжээ. Энэхүү тэмцээнийг түүхэнд анх удаа үзэгчгүйгээр зохион байгуулах гэж буй нь энэ юм.
“Засгийн газрын хүсэлтэд үндэслэн бүх нийтээрээ шинэ коронавирусний тархалттай тэмцэж буйг харгалзан үзсэний дүнд энэ шийдвэрийг гаргасан” гэж Сүмо бөхийн холбооны тэргүүн Хаккакү өнгөрсөн ням гарагт болсон хэвлэлийн бага хурлын үеэр мэдээлжээ. Мөн бөхчүүдийн дундаас хэн нэгэн халдвар авсан тохиолдолд башёг эхэлсэн эсэхийг үл харгалзан цуцална гэж Хаккакү мэдэгдсэн байна.
Сэтгэгдэл (0)
Сэтгэгдэл бичигдээгүй байна