АНУ нь хилийн чанад дах Америкийн хамгийн том цэргийн бааз гэгддэг Өмнөд Солонгос дах Кэмп-Хамфрис баазын түр хааж байгаагаа мэдэгджээ. “Financial Times” сонины мэдээлж байгаагаар Өмнөд Солонгост нь COVID-19 өвчний тархалт газар авсантай холбоотойгоор ийм шийдвэр гаргасан гэж байна. Коронавирус Өмнөд Солонгос дах Америкийн цэргийн хүчний байлдах чадварт сөргөөр нөлөөлөхөөс сэргийлэх үүднээс Кэмп-Хамфрис төдийгүй тус улсад байгаа 28,5 мянган цэргийн албан хаагчдын дунд хязгаарлах арга хэмжээ авч байгаа аж. Одоогийн байдлаар Өмнөд Солонгос дах АНУ-ын зэвсэгт хүчний цэргийн 1 албан хаагч ба 1 ажилтанд коронавирусээр өвдсөн нь тогтоогдоод байгаа юм байна.
Үүний өмнө Өмнөд Солонгос ба АНУ нь коронавирусийн улмаас хамтарсан хээрийн сургууль хийхээс анх удаагаа татгалзаад байсан юм.
Кэмп-Хафрис бааз нь Сөүл хотоос 64 км-ийн зайтай байрладаг бөгөөд Өмнөд Солонгос дах Америкийн 28 мянга 500 цэргийн албан хаагчдын хангамжийн гол төв юм. Энэ баазыг томруулах ажил 2004 оноос эхэлсэн бөгөөд үүнд одоогийн байдлаар 10,7 тэрбум доллар зарцуулаад байгаагийн 90 хувийн Өмнөд Солонгосын төр даажээ. АНУ-ын Цэргийн нисэх хүчний командлагч Винсент Брукс энэ баазыг өргөжүүлэх ажлыг “Өмнөд Солонгосоос барьсан аугаа бэлэг” гэж тодорхойлж байжээ. Баазын талбай дээр дээр хөл бөмбөгийн 28 стадион багтах хэмжээтэй том, одоогоор нутаг дээр нь Америкийн цэргийн албан хаагчдын ар гэр ба иргэнийн туслах гүйцэтгэгчид гээд 45 мянган хүн амьдарч байдаг. Тэгэхээр ийм том объектыг түр хааж, хөл хорио тогтооно гэдэг нь 100 мянган хүнтэй хотод хөл хорихтой адил нүсэр том ажиллагаа юм.
Сэтгэгдэл (0)
Сэтгэгдэл бичигдээгүй байна