Туркийн хил даван ирсэн цагаачдыг зогсооход 700 сая еврогийн тусламж үзүүлнэ

Грек ба Туркийн хил дээр Европ руу нэвтрэх горьдлого тээсэн хэдэн мянган дүрвэгч бөөгнөрч асуудал маш хурцадмал болсон. Өчигдрийн байдлаар Грекийн хүчний байгууллагууд Туркийн зүгээс хууль бусаар хил давах гэсэн 26 мянга 532 оролдлогыг таслан зогсоож, 218 хүнийг саатуулсан тухай “АМНА”  агентлаг мэдээлсэн байна.

Мөн Грекийн хил дагуух байдалтай танилцахаар Европын холбооны удирдлагууд газар дээр нь очсон байна. Европын холбооноос Грекийн Засгийн газарт дүрвэгчдийг хил нэвтрүүлэлгүй зогсооход нэн даруй 200 сая еврогийн тусламж үзүүлж, дараа нь 500 саяын тусламж үзүүлэхээр болсон байна.

Грекийн Ерөнхий сайд нь Туркийн эрх баригчдын явуулж байгаа бодлогыг эрс хатуу шүүмжилжээ. Тэрээр турк нь геополитикийн тоглолтод ашиг олохын тулд очих газаргүй болсон дүрвэгчдийг ичгүүргүй ашиглаж байгаа Туркийн удирдлагыг буруушаав. Мөн Сирийн Идлибт болж байгаа нөхцөл байдлаас анхаарлыг холдуулах гэсэн бүтэлгүй оролдлого гэжээ.

Евро комиссын даргаг Урсула фон дер Ляйен нь Грекийг “Европын холбооны бамбай” гэж сайшаасан байна. Одоогоор Туркийн нутаг дээр Европ руу орох хүсэлтэй 3,5 сая хүн байгаагаас дийлэнх нь Сирийн дүрэгчид хэдий ч Афганистан,Пакистанаас ирсэн хүмүүс маш олон байгаа аж.