Сирийн Идлибий орчим байдал ээдрээтэй хэвээр байна. Ерөнхийлөгч Асадын арми Оросын нисэх хүчний дэмжлэгтэйгээр газар нутгаа бүрэн чөлөөлөх гэж чармайж байна. Тэдний эсрэг талд Туркийн эрх баригчдын эвлэршгүй дайсан курдуудыг Туркийн хилд ойртуулахгүй тогтоон барьсны төлөө зэвсэг, сум, тагнуулын мэдээлэл авч байгаа сөрөг хүчнийхэн байлдаж байна. Сирийн сөрөг хүчнийхэн Асадын армийг янз бүрээр чадахдаа авьяастай. Жишээлбэл, тэд ялагдаад ирэхээрээ Сирийн арми химийн зэвсэг хэрэглэж, энгийн иргэдийг хордууллаа гэж бичлэг хийгээд, түүнийг нь АНУ, НАТО-ийн удирдлагууд уухайн тас зөвшөөрч, Асадын армийг бөмбөгдөж, пуужингаар харвадаг.
Гэтэл энэ удаад буюу гуравдугаар сарын 2-нд, шөнөө Идлиб хотын дотор химийн хорт бодис хийсэн сав дэлбэлэх гэж байгаад өөрсдөө хордсон тул хаяж зугтсан хэрэг гарсан тухай Сири дэх сөргөлдөгч талуудыг эвлэрүүлэх төвөөс мэдээлжээ. Тус төвийн мэдээнд “Сирийн Засгийн газрын цэргийг урагшлахад саад болох, үргэлжлүүлэн химийн зэвсэг хэрэглэсэн гэж буруутгахын тулд гуравдугаар сарын 2-ны шөнөөр 15 хүртэлх хүнтэй алан хядагчдын бүлэглэл химийн хордуулах бодис бүхий савыг тэслэх сумаар дэлбэлэх оролдлого хийсэн. Гэвч химийн хортой бодис ажиллах дадал, туршлага үгүй тул алан хядагчид нэг савны бүрэн бүтэн байдлыг алдагдуулан, хортой бодисоос хүчтэй хордлого авч хэргийн газраас зугтсан тул Сөргөлдөгч талуудыг эвлэрүүлэх төвийн ажилтнууд хөдөлшгүй нотлох баримт олж авсан” гэжээ.
Үүнээс гадна Туркийн удирдлагууд өөрийн нутаг дээрх сири дүрвэгчдийг Европын холбоо руу чөлөөтэй нэвтрүүлж эхэлсэн. Үүнийг дагаад өмнөх жилүүдэд Сирийн бараг гурван сая дүрвэгчийг хүлээн аваад байсан Европын орнууд байдал ахин хурцдахаас болгоомжлон, Идлибийн орчим давшилт хийхээ зогсоохыг Асадаас шаардаж, Оросын эсрэг нэмэлт хориг арга хэмжээ авах тухай ярих болсон.
Сэтгэгдэл (0)
Сэтгэгдэл бичигдээгүй байна