ОХУ-ын Ерөнхийлөгч Владимир Путин Турк улсын Ерөнхийлөгч Рэжеп Тайип Эрдогантай хэлэлцээ хийсний дараагаар Сирийн Идлиб дэх хурцадмал байдлыг намжаах зохистой шийдэлд хүрсэн тухайгаа мэдэгджээ. Тэрээр “Бид Сирид болж байгаа үйл явдалд өгөх үнэлгээ дүгнэлт дээр Туркийн түншүүдтэйгээ тэр бүр санаа нийлэхгүй байсан ч хамгийн эгзэгтэй үед хоёр талын талын өндөр итгэлцлийн түвшинд тулгуурлан маргаантай асуудлаар ойлголцолд хүрэх нийтлэг зүйлсийг олж, зохистой шийдэлд хүрсээр ирсэн билээ. Энэ удаа ч тэгж чадлаа” гэсэн байна.
Туркийн Ерөнхийлөгчтэй хийсэн хэлэлцээний үеэр Турк Орос хоёр нь Астанагийн тохиролцооны хүрээнд хамтран ажиллах сонирхолтой байгаагаа харилцан бататгасан байна. Путин “Астанагийн хэлцээ цагтаа Сирийн зохицуулалтад нухацтай өөрчлөлт хийх түлхэж өгч байсан юм” гэсэн байна.
Орос ба Туркийн удирдагч нарын хувийн дотно харилцаа нь олон улсын асуудлыг шийдэх нэгдсэн шийдэл олох боломж олгосон гэдгийг Путин онцолсон байна. Тэрээр Туркийн Ерөнхийлөгчтэй гурав дах удаагаа уулзаж байгаагаа сануулсан байна.
Энэ удаагийн уулзалтын дүнгээр хоёр улс нь Сирийн энгийн номхон иргэдийн зовлон шаналлыг дуусгах ёстой гэж Путин мэдэгдэв.
Ийнхүү Турк, Орос хоёрын тохиролцоо ёсоор Идлибийн ойролцоо гал зогсоохоор болсон байна. Оросууд Сирийн газар нутгийн бүрэн бүтэн байдлыг алдагдуулах ёсгүй, олон улсын алан хядлагатай хийх тэмцлээ сулруулж болохгүй гэсэн болзол тавьсан байна. Харин Туркийн тал нь курд үндэстний зэвсэгт бүлэглэлүүдийг Туркийн хил руу ойртуулахгүй байхыг шаардаж байгаа юм.
АНУ-ын Төрийн департаментын албан ёсны төлөөлөгч нь Сирийн Идлибийн талаар Орос, Туркийг хоёрыг хийсэн тохиролцоог дэмжиж байгаагаа мэдэгджээ.
Сэтгэгдэл (0)
Сэтгэгдэл бичигдээгүй байна