Туркийн Ерөнхийлөг Рэжеп Тайип Эрдоган нь Хар тэнгисийг Гантиг тэнгисээр дамжуулан Газар дундын тэнгистэй холбодог Босфорын сувагтай зэрэгцүүлэн “Стамбул” гэж нэрлэгдэх бас нэг шинэ суваг барихаар болсон тухайгаа албан ёсоор мэдэгдсэнийг “Анадолу” агентлаг уламжилсан байна.
“Стамбул” сувгийг барих шийдвэр нь эргэлт буцалтгүй гэдгийг Эрдоган онцолсон байна. “Стамбул” суваг нь 50 км орчим урттай байх бөгөөд Босфорын сувагтай зэрэгцэн ухагдах юм байна. Жид 85 мянган усан онгоц дамжин гарах энэ сувгийг 10 тэрбум доллароор 3 жилийн дотор барих юм байна. Энэ нүсэр төсөл нь Турк улсын түүхэнд дэх дэд бүтцийн хамгийн том төсөл байх болно гэжээ.
“ Стамбул” хоолойд Монтрёгийн конвенц үйлчлэхгүй байх аж. Монтрёгийн конвенц ёсоор Босфорын хоолойгоор Хар тэнгисийн бүс нутагт байршилтай ба Хар тэнгисийн бус орнуудын байлдааны усан онгоцыг дайран өнгөрч, Хар тэнгисийн усанд байрлах хугацааг хязгаарлаж өгсөн байдаг. Хар тэнгисийн бус улсын байлдааны усан онгоц Босфорын хоолойгоор дамжин Хар тэнгис рүү нэвтрэхийн тулд усан түрц нь 30 мянган тонноос ихгүй байх ёстой, нисэх онгоц тээгчийг Босфорын хоолойгоор дамжин Хар тэнгист орж ирэхийн хориглодог. Заагдсан 30 мяган тонн доторх усан түрцтэй байлдааны усан онгоц Босфорын хоолойгоор дамжин Хар тэнгист нэвтэрвэл дээд тал нь 21 хоногоос хэтрэхгүй хугацаанд байхыг зөвшөөрдөг.
Харин “Стамбул” сувагт Монтрёгийн конвенц үйлчлэхгүй гэдэг нь шинэ сувгаар дамжин НАТО-ийн гишүүн дурын улсын дурын усан түрцтэй байлдааны усан онгоц, түүний дотор нисэх онгоц тээгч аварга онгоцнууд Хар тэнгист нэвтэрч, хязгааргүй олон хоног байрлах боломжтой болж байгаа юм. Өөрөөр хэлбэл бүс нутаг дах АНУ, НАТО-ийн байр суурь улам бэхжиж, ОХУ-ын суларна гэж мэргэжилтнүүд үзэж байна.
Сэтгэгдэл (0)
Сэтгэгдэл бичигдээгүй байна