Туркийн эрх баригчид зэвсэг, сумаар хангаж, цалин хөлсөөр хангадаг Сирийн сөрөг хүчин гэгддэг хөлсний цэргүүдийг Ливи руу олон мянгаар нь явуулсан. Syrian Хүний эрхийн хянах Сирийн төв буюу SOHR-ийн мэргэжилтнүүд Ливид байлдаж байгаа Сирийн сөрөг хүчний хөлсний цэргийн тоог гаргаан байна. SOHR-ийн мэргэжилтнүүдийн тооцсоноор 4750 хөлсний сири цэрэг Ливид байлдаж, ахин1900 хүн байлдааны сургууль хийж байгаа юм байна.
Одоогоор Сирийн 117 хөлсний цэрэг Ливийн нислэл Триполийн төлөөх тулаанд амиа алдаад байгаа аж. Ливийн иргэний дайны нэг оролцогч Ливийн Үндэсний армийн удирдагч Халифа Хафтар нь Туркийн оруулж ирсэн хөлсний цэргүүдийг гаргавал байлдааны ажиллагааг зогсооход бэлэн байгаагаа мэдэгдсэн. Гэвч Турк нь өөрийн цэргийн мэргэжилтнүүд, тусгай хүчний цэрэг, нисэх онгоц зэргийг Сирийн хөлсний цэргүүдийн хамт ашиглаад Ливийн иргэний дайны өөр нэг оролцогч талыг дэмжиж, ялагдал хүлээхээс нь хамгаалах хэрэгтэй үзэж байгаа юм.
Турк нь Кипр арлын эргийг тойрсон далайн ёроолоос илэрсэн шатдаг хийг олборлох тусдаа гэрээг Ливийн Триполи дэх Засгийн газартай байгуулсан юм. Хэрэв Триполид байгаа Засгийн газар нь фельдмаршалл Хавтарын цэрэгт ялагдвал Турктай байгуулсан Кипр арлыг тойрсон шатдаг хийг олборлох гэрээ нь хүчингүй болох юм. Иймд Туркийн Засгийн газар нь асар их нөөцтэй орд газрыг олборлох эрхээ алдахгүйн тулд Триполи дэх Засгийн газрыг Сирийн хөлсний цэрэг, өөрийн тусгай хүчнээ явуулан дэмжлэг үзүүлж байгаа юм.
Турк шууд өөрийн цэргээ бөөнөөр оруулбал, олон жилийн турш байлдсан Хавтарын армийн туршлагатай дайчдын эсрэг тулаанд их хэмжээний хохирол амсаж, Эрдоганы рейтинг огцом унах эрсдэлтэй байгаа тул ийнхүү тэднээс дутахааргүй олон жил байлдсан Сирийн хөлсний цэргүүдийг идэвхтэй ашиглаж байгаа аж.
Сэтгэгдэл (0)
Сэтгэгдэл бичигдээгүй байна