Дэлхийн хэмжээнд дөрөвдүгээр сарын 11-ний 01 цагийн байдлаар халдвар авсан хүний тоо 1,6 саяд хүрсэн бол эдгэрсэн тохиолдол 365 мянга, харин нас баралт 100 мянга 376 болсон гэсэн мэдээг Жон Хопкинсын их сургуулиас тараажээ.
Аюулт өвчний халдвар авсан хүний тоогоор АНУ тэргүүлж явна. Тэнд 473 мянга 093 хүн коронавирусийн халдвартай нь батлагдаад байна. Испанид 157 мянга 22 хүн халдвар авсан бол Италид 143 мянга 626 хүн өвджээ. Энэ өвчний улмаас нас барсан тохиолдлын тоогоор Итали улс нэгдүгээрт орж байна. Тэнд 18 мянга 849 хүн нас барсан. АНУ-д 17 мянга 925 хүн коронавирусийн өвчний улмаас нас барсан бол Испанид 15 мянга 970 хүн нас барсан байна.