БНХАУ-ын Засгийн газар нь хүнсэнд махыг нь хэрэглэх зорилгоор гэртээ тэжээхийн зөвшөөрсөн амьтадыг шинэ жагсаалтын шинэ хувилбарыг олон нийтэд танилцуулжээ. Дэлхийн хэмжээний аюул болон хувирсан шинэ коронавирусийг Ухань хотын зах дээр зарагдаж байсан зэрлэг амьтадын махнаас гаралтай тухай яригдаж байгаа Хятадын эрх баригчид зэрлэг амьтадын мах худалдахыг бүрэн хориглоод байгаа.
Хүнсэнд хэрэглэх зорилгоор тэжээж болох амьтадын жагсаалтад гахай, үхэр, тахиа, хонь, ямаа ба хэд хэдэн төрлийн буга, тэмээн хяруул, альпак гөрөөс орсноос гадна хоёр төрлийн үнэг, илбэнх, булгыг махыг хэрэглэх бус өөр зориулалтаар гэртээ тэжээхийг зөвшөөрсөн байна. Мөн нохойг махыг нь хүнсэнд хэрэглэх зорилгоор тэжээхийг хориглосон заалтыг онцгойлон оруулж иржээ. Тус жагсаалтад нохойны тухай заалт оруулсан явдлыг “Хүнд төрөлхтний соёл иргэншил хөгжиж, олон нийтийн зүгээс амьтадыг хамгаалахад халамж, анхаарал тавихын хэрээр нохой нь хүнсний уламжлалт тэжээвэр амьтадын тооноос гэрийн амьтадын болж хувирсан. Дэлхий даяараа нохойг хүнсний тэжээвэр амьтад гэж үзэхээ больжээ. Иймд нохойг шувуу ба бусад хүнсний тэжээвэр амьтадын адил жагсаалтад оруулах хэрэггүй” гэж дурдсан юм байна.
Энэхүү жагсаалт нь иргэдэд танилцуулах зориулалттай бөгөөд иргэдийн санал хүсэлтийг хүлээн авч өөрчилсний дараа эцсийн хувилбарыг гаргах юм байна.
“Humane Society International” байгууллага нь энэхүү жагсаалтыг баталбал Хятад дахь амьтадын эрхийг хамгаалах ажилд онцгой дэвшилт гарсан хэрэг болно гэж мэдэгджээ.
Сэтгэгдэл (0)
Сэтгэгдэл бичигдээгүй байна