Коронавирусийг лабораторийн туршилтаар гаргаж авсан гэх мэдээллийн талаар АНУ-ын ерөнхийлөгч ярьжээ.
Тодруулбал АНУ-ын Ерөнхийлөгч Дональд Трамп коронавирусийг Хятадын Ухань хотын лабораторид гарган авсан гэх мэдээлэл бий хэмээн мэдэгдсэн байна. Тэрбээр нэгэн сэтгүүлчийн" баттай нотлох мэдээлэл бий юу? " гэсэн асуултад хариулахдаа хэлжээ.Трампын энэхүү мэдэгдэл нь АНУ-ын үндэсний тагнуулын газрын мэдэгдэлтэй зөрж байгаа юм. Коронавирусийг хиймлээр гарган аваагүй, генийн өөрчлөлт ороогүй гэж үзэж байгаа эрдэмтэдтэй санал нэг байна гэж АНУ-ын тагнуулын газар пүрэв гарагт мэдээлсэн байна.
Харин АНУ-ын Ерөнхийлөгч коронавирусийг Ухань хотын лабораторид гарган авсан гэх хувилбарыг Америкийн тал шалгаж байгаа бөгөөд гарал үүслийг нь тогтоохыг зорьж байна гэж мэдэгджээ. Коронавирусний халдвар авсан анхны хүн Ухань хотын лабораторийн ажилтан байсан талаар гадны хэвлэлүүд мэдээлжээ.
Сэтгэгдэл (0)
Сэтгэгдэл бичигдээгүй байна