АНУ-ын Ерөнхийлөгчийн сонгууль дөхөхийн хэрээр улам эрчээ авч буй “Black Lives Matter” хөдөлгөөн Америкийн төдийгүй дэлхий даяар урлаг, соёл, спортод маш хүчтэй нөлөөлж байна. Тухайлбал, хар арьст ЖоржФлойдыг баривчлахдаа аминд хүрснээр бүх ээдрээг эхлүүлсэн Америкийн цагдаа нар эсэргүүцлийн жагсаалуудын өмнө өвдөх сөхөрч уучлал гуйснаас хойш өрнөдийн бусад орнуудад ч хар арьстнуудыг ялгаварлан гадуурхах, боолчлох үзэгдэл байсны төлөө уучлал гуйж, өвдөг сөхөрдөг челленж газар авсан. Тухайлбал, ням гарагт Австрид болсон “Формула-1”-ийн Гранприйн ээлжит уралдааны үеэр багууд нь Өрнөдөд хар арьстнуудыг боолчилж гадуурхаж байсны төлөө уучлал гуйж өвдөг сөхөрсөн байна. Гэвч "Альфа Таури", "Макларен",Альфа Ромео”, “РедБулл”, “Феррари” багуудын нисгэгч нар өвдөг сөхрөхөөс татгалзсан явдал ихээхэн дуулиан тарьжээ.
Тэдний зарим уралдаан эхлэхээс өмнө олон нийтийн сүлжээгээр арьсны өнгөөр ялгаварлан гадуурхахын эсрэг тэмцлийг дэмжиж байгаа ч өвдөг сөрөхгүй гэжээ. Жишээлбэл, “РедБулл”-ын нисгэгч Ферстаппен “Би хэлбэр төдийн дээр зарим газар утга санааны зөрчилтэй гэж тооцогдож болох үйлдэл хийснээс өдөр тутмын амьдралд дах бие авах явдал ба бодит үйлдэл хийх нь чухал гэж үзэж байна. Би өвдөг сөхрөхгүй, гэхдээ ингэлээ гээд арьсны өнгөөр ялгаварлах үзлийг бусдаас бага дэмжинэ гэсэн үг биш юм” гэжээ.
Сэтгэгдэл (0)
Сэтгэгдэл бичигдээгүй байна