Гэрээслэл гэж ойлгож болохоор зурвас үлдээгээд гэрээсээ гараад хоёр өдөр сураггүй байгаа Сөүл хотын мэрийн нас барсан тухай мэдээг Хятадын “CGTN” суваг тараасан байна. Хотын мэр Пак Вон СуныгСонгүнгваны их сургуулиас холгүйхэн цэцэрлэгт хүрээлэнгээс нас барсан байдалтай олдсон гэж тус суваг мэдээлжээ. Гэвч Өмнөд Солонгосын цагдаагийн газраас энэ мэдээг үгүйсгээд алга болсон хотын даргын эрэн сурвалжилж байгаа гэсэн ч удалгүй Пугаксан уулын орчмоос мэрийн цогцсыг олсон тухайгаа мэдэгдсэн байна. Сөүлийн мэрийн охин нь эцгийгээ гэрээслэлтэй төстэй зурвас үлдээн, утсаа салгаад алга болсон тухай цагдаад мэдээлээд байсан аж.
Нарийн бичгийн дарга эмэгтэй нь хотын даргыг бэлгийн хүчирхийлэлд буруутган шүүхэд хандсаны дараа Пак Вон Сун сураггүй алга болсон байна. Нарийн бичгийн дарга эмэгтэй долоодугаар сарын 8-нд шүүхэд хандаж, өдөржин цагдаагийн газар мэдүүлэг өгсөн байна. Тэрээр хотын даргыг бэлгийн дарамтад оруул, “Telegram” мессенжер ашиглан хэвийн бус фото зургаа явуулдаг байсан гэжээ. Мөн Сөүлийн мэр нь удирдлагадаа ажилладаг олон эмэгтэйчүүдэд бэлгийн дарамтад оруулж байсан ч тэр ганцаар шүүхэд хандаж зүрхэлсэн гээд нотолгоо болгож “Telegram” захидал харилцаагаа дэлгэжээ.
Сэтгэгдэл (0)
Сэтгэгдэл бичигдээгүй байна