Дэлхийн хамгийн баян хүмүүсийн нэг Билл Гейст нь агаарын бохирдлын үр дагаврыг корона вирусийн цар тахлынхаас дутахааргүй гэж үхлийн аюултай талаар анхааруулж байна. “Microsoft”-ын үүсгэн байгуулагч нь ойрын арван жилд хүн төрөлхтөн цаг агаарын өөрчлөлтөөс үүдэлтэй сүйрэлтэй нүүр тулгарна гэж үзэж байгаа юм байна. Тэрээр “Цар тахал хэдий аймшигтай ч цаг агаарын өөрчлөлт бүр ч долоон дор байх болно” гэжээ. Нүүрлээд байгаа гамшгаас сэргийлэхийн тулд агаар мандалд цацагдаж байгаа хүлэмжийн хийн хэмжээг эрс багасгах шаардлагатай гэж тэрээр үзсэн байна.
Цаг агаарын өөрчлөлтийн уршиг нь хүн төрөлхтнийг COVID-19-ийн цар тахлаас илүү удаан хугацаанд зовооно гэдэг нь хамгийн ноцтой гэж Билл Гейтс үзсэн байна. Тэрээр ойрын дөчин жилийн дотор дэлхийн дулаан нэмэгдсэнээс үүдэлтэй нас баралтын хэмжээ нь 100 мянган хүнд 14 болж, корона вирусийн үлийн тохиолдолтой адил болно гэж анхааруулжээ. Улмаар энэ талаар одоогоос арга хэмжээ авч эхлээгүй тохиолдолд цаг агаарын хүчин зүйлээс үүдэлтэй нас баралтын тоо 100 мянган хүнд 73 болж өснө гэгжээ.
Энэ мэт таагүй зүйлсээс урьдчилан сэргийлэхийн тулд шинжлэх ухааны ололт, инновацийн тусламжтайгаар хүлэмжийн хийн ялгарлыг хянадаг болох ёстой гэсэн байна. Мөн дэлхийн хэмжээнд экологийн асуудлыг шийдэхийн тулд хөгжиж байгаа улс орнуудад шинэ шийдлүүдийг нэвтрүүлэх ёстой гэжээ.
Сэтгэгдэл (0)
Сэтгэгдэл бичигдээгүй байна