АНУ-ын Төрийн нарийн бичгийн дарга Майкл Помпео нь Хятадын компаниудын бүтээсэн аппликейшнууд нь америкчуудын хувийн мэдээллийг хулгайлах аюултай тул АНУ-ын нутаг дэвсгэр дээрх бүх онлайн дэлгүүрүүдээс зайлуулах ёстой гэж мэдэгдсэн. Энэ мэдэгдлийг БНХАУ-ын ГХЯ-ны албан ёсны төлөөлөгч Ван Вэньбинь эрс шүүмжилсэн байна. Тэрээр “Помпео болон Америкийн бусад улс төрчид нь Хятадын технологийн компаниудад дарамт шахалт үзүүлэхдээ төрийн эрх мэдлээ ашиглаж байна. Бид үүнийг эрс эсэргүүцэж байна” гэжээ. Түүнчлэн Америкийн улстөрчдийн үйлдэл болон үг яриа ямар ч бодит нотлох баримтгүй, хоосон мэдэгдэл, улс төрийн хийрхэл, технологийн салбар дах АНУ-ын монопол байдлыг хадгалж үлдэхийн төлөө хийгдэж байгаа гэдгийг онцолжээ. Энэ бүхнийг Бээжин нь зах зээлийн зарчим, олон улсын худалдааны дүрэм журмын зөрчсөн гэж үзэж байгаа тул “алдаа засаж, хамтын ажиллагаанд шаардлагатай хэвийн нөхцөл бүрдүүлж, нээлттэй бөгөөд эрх чөлөөтэй кибер орон зайг байгуулахад дэмжлэг үзүүлэхийг уриалж байна” гэжээ.
Сэтгэгдэл (0)
Сэтгэгдэл бичигдээгүй байна