Филиппиний Ерөнхийлөгч Родриго Дутерте нь корона вирусийн эсрэг Оросын вакциныг үнэгүй авна гэдэгт найдаж байгаагаа мэдэгдсэн гэдгийг “CNN Philippines” мэдээлжээ. Дутертэ нь хэдий хэмжээний вакциныг Филиппинд нийлүүлэх боломжтой байх талаар болон вакцины эмнэлгийн туршилтыг хэрхэн явуулах талаар Ерөнхийлөгч Путинтэй холбогдон ярилцах бодолтой байгаагаа мэдэгдсэн байна. Түүнчлэн вакциныг хүлээн авах хугацааг хурдасгахын тулд Оросын вакцины эмнэлгийн туршилтыг Филиппинд явуулахад бэлэн гэсэн байна.
Дутертегийн ийм мэдэгдлийн дараагаар Оросын шууд хөрөнгө оруулалтын сангийн тэргүүн Дмитриев нь “Филиппин улс нь корона вирусийн эсрэг вакцин дээр Оростой хамтарсан түнш улсуудын нэг бөгөөд Оросын шууд хөрөнгө оруулалтын сан нь энэ наймдугаар сараас Филиппинд вакцины эмнэлгийн туршилтыг явуулахад бэлэн болно” гэжээ.
Сэтгэгдэл (0)
Сэтгэгдэл бичигдээгүй байна